容祖儿演唱会海报！风骚纪念入行20周年 好友黄伟文赐名PRETTY CRAZY

　　不经不觉乐坛天后容祖儿入行20周年，为隆重其视，决定将于八月举行红馆演唱会庆祝与歌迷同乐。早前祖儿就特别为演唱会宣传海报飞去东京，非常设合演唱会主题Pretty Crazy，Crazy地用24小时努力超额完成。

　　祖儿谓演唱会名字PRETTY CRAZY 是好朋友黄伟文为她定的，个名真系起得好好，因为呢二十年来无论系工作上、不同经历上面，一路走来都真系PRETTY CRAZY o既！, PRETTY CRAZY呢两个字，既可以代表到我地对工作上面的 CRAZY，又可以代表到我地一直努力追求o既优雅，简简单单两个字形容左我呢二十年，Wyman真系劲。

　　今次演唱会海报，系揾番祖儿初入行20岁第一次开红馆演唱会合作过的国际知名摄影师Leslie kee纪嘉良合作，祖儿谓:呢个合作，又系有齐PRETTY CRAZY元素！其实系去年东京睇明哥(黄耀明)演唱会个阵，突然谂起Leslie kee纪嘉良，就即刻约左佢出来半小时，一个下午茶咁就已经定左系今年一月份影呢辑相。因为大家工作时间关系，我只系用左一日飞去东京，24小时crazy完成呢次海报。影左好似有超过12个钟咁内，一落机就去影相，影完就上机走。

　　所有衫呀，形像设计，都系Leslie kee纪嘉良一手包办，佢细致到每套衫都要我换埋指甲衬色，真系未试过咁影法。但系完成作品，当然系very pretty啦，影左好多套衫，多到返来香港，剩系拣相都拣左好内，张张都咁好，唔知点拣。最后经过公司所有同事投票，最终好开心拣左我最钟意个一张用先。之后大家重可能睇到好多唔同款海报。

　　另外祖儿又话，我发觉依家香港人真系一年闲闲地睇十个八个演唱会，所以今次我团队都会尽最大努力，去制作一个令大家一进场就觉得前所未有，同以往完全唔再o既演唱会。目的系比大家睇到我呢二十年进步囉。究竟会点搞？就系秘密住先，等观众入场就会知道点pretty，点crazy ！

　　今次是二十周年纪念演唱会，祖儿话谂番起当初二十岁第一次系红馆的感觉真系好crazy，当时佢系唔相信会有人来睇自己演唱会。

　　咁二十年后今次，系我第十个红馆演唱会啦，crazy就交比歌迷同观众啦，我就负责pretty啦！话就话八月先系演唱会，但系我已经开始准备紧架啦，keep好自己身体啦，准备最佳状态，唱最好o既歌，跳最正o既舞比大家睇，我希望今次唔好咁瘦，因为累积多年经验，我发觉做演唱会最紧要系体力同健康，太瘦就冇营养又唔够抵抗力去战斗，所以keep fit同调理身体系会同步进行，唔会比自己病。

　　每次容祖儿开骚都会掀起潮，大家准备好排队和疯狂按F5了吗？